कोहलपुर (बाँके), जेठ ९ गते । अख्तियार दुरुपयोग अनुसन्धान आयोगको टोलीले सेवाग्राहीसँग घुस माग गरेको अभियोगमा मालपोत कार्यालय कोहलपुरका खरिदारसहित तीनजनालाई नियन्त्रणमा लिएको छ। जग्गाको मोठ भिडाउने कार्यमा सहजीकरण गरिदिने भन्दै उनीहरुले घुस लिएको दाबी आयोग टोलीको छ ।  जिल्ला बाँकेस्थित मालपोत कार्यालय कोहलपुरमा कार्यरत खरिदार हरिचन्द्र पाण्डेले लेखापढी व्यवसायी (विचौलिया) मार्फत सेवाग्राहीसँग घुस माग गरिरहेको अवस्थामा नियन्त्रणमा लिएको हो। टोलीले कोहलपुर नगरपालिका वडा नं. ११ स्थित तिवारी रेष्टुरेण्टबाट आज हरिचन्द्र पाण्डेलाई २० हजार रुपियाँ घुससहित रंगेहात पक्राउ गरेको हो । सो रकम तिवारी रेष्टुरेण्ट सञ्चालक घनश्याम तिवारीलाई राख्न दिइएको अवस्थामा फेला परेको थियो। सोही घटनामा संलग्न लेखापढी व्यवसायी (विचौलिया)…

कपिलवस्तु, ०५ वैशाख ।कपिलवस्तु जिल्लाको शुद्धोधन गाउँपालिकाका अध्यक्ष कमलेशशरण चौधरी माथि बिहीबार मध्यरातमा गोली प्रहार भएको छ । राति ११ः३० बजेको समयमा मायादेवी गाउँपालिका वडा नं. १ पकडी स्थित उनको निवासमा नै गोली प्रहार भएको जानकारी आएको जिल्ला प्रहरी कार्यालय कपिलवस्तुका प्रवक्ता प्रहरी नायव उपरीक्षक मोहनमणि अधिकारीले जानकारी दिए । राति विद्युत गएको समयमा चौधरी शौचालय गएर फर्कने क्रममा आफू माथि गोली प्रहारको घटना भएको जानकारी दिएको स्पष्ट पार्दै घटनास्थलबाट एक थान गोलिको खोका बरामद भएको नायव उपरीक्षक अधिकारीले जनाए । घटना बारे थप अनुसन्धान अघि बढेको उनले बताए ।