कपिलवस्तु चैत्र २३ गते ।
कपिलवस्तुमा जारी तिलौराकोट गोल्डकप फुटबल प्रतियोगिता दुवै टिमले जितको तयारी गरेको बताइएको छ । शनिवार हुने फाइनल खेलको पूर्व सन्ध्यामा कपिलवस्तु जिल्ला फुटबल सङ्घले आयोजना गरेको ‘प्रि म्याच कन्फ्रेन्स’मा बोल्दै दुवै टिमका प्रशिक्षकले युवा खेलाडीले उत्कृष्ट प्रदर्शन गर्ने दाबी गर्नु भएको छ । शनिवार नेपाल पुलिस क्लब र हनामी विएफसी चितवन बिच फाइनल खेल हुदैछ ।
कन्फेन्समा बोल्दै पुलिसका प्रशिक्षक चेतन घिमिरेले आफ्ना खेलाडीले ए डिभिजन लिगको योजना सहित खेल प्रदर्शन गर्ने बताउनु भयो । खेलाडीहरूले नियमित अभ्यास गर्नु भएको छ । कुनै खेलमा रिजल्ट नआए पनि उत्कृष्ट प्रदर्शन भएको छ । सेमिफाइनलमा प्रतियोगिताको उत्कृष्ट टिमलाई हराएका छौँ । त्यही अनुसार खेल्ने योजना रहेको प्रशिक्षक घिमिरेले बताउनु भयो । पुलिसका कप्तान सञ्जित श्रेष्ठले फाइनल खेल आक्रामक तरिकाले खेलेर जित निकाल्नेमा विश्वस्त रहेको बताउनु भयो ।
विएफसीका प्रशिक्षक धुव्र भुसालले आफ्ना खेलाडीको हैसाला बढेको बताउनु भयो । नकआउट चरणमा मच्छिन्द्र जस्तो बलियो टिमलाई हराउँदै सेमिफाइनलमा समेत राम्रो प्रदर्शन गरेको बताउनु भयो । फाइनल खेलमा सेमिफाइनलको सेट खेलाउने बताइएको छ । विएफसीका कप्तान अमृत श्रेष्ठले टिममा नियमित खेल्ने खेलाडी रहेको हुँदा नजिता ल्याउने गरी खेल्ने बताउनु भयो ।
प्रतियोगिताका म्याच कमिस्नर दयाराम सापकोटाले मुख्य खेलाडी विदेश पलायन भएर पनि युवा टिमले नेपालको फुटबल धानेको बताउनु भयो । दुवै टिमका युवा खेलाडी पछि राष्ट्रिय र अन्तर्राष्ट्रिय प्रतिस्पर्धामा गर्न सक्ने भएको बताउनु भयो । गौतम बुद्धको गृह नगरी प्राचीन तिलौराकोटमा कन्फेन्सको आयोजना गर्दै फुटबल सङ्घ जिल्ला अध्यक्ष तिलक थापाले ट्रफी सार्वजनिक गरिएको थियो ।
