कपिलवस्तु चैत ३० गते । कपिलवस्तुको बुद्धभूमि नगरपालिका–४, बुड्ढीमा अवस्थित थारु साँस्कृतिक संरक्षण केन्द्रको तेस्रो साधारण सभा सम्पन्न भएको छ । शनीवार सम्पन्न साधारण सभामा बोल्दै प्रमुख अतिथि तथा बुद्धभूमि नगरपालिकाका नगरप्रमुख केशव कुमार श्रेष्ठले थारु समुदायको मौलिक संस्कृति र पहिचान संरक्षणमा केन्द्रको भूमिका महत्वपूर्ण रहेको बताउनुभयो ।
कार्यक्रममा बोल्दै केन्द्रका अध्यक्ष पवन कुमार थारुले अक्षयकोष स्थापना गर्ने, ढकिया उद्योग सञ्चालन गर्ने, बड्ढी ताल र बृजा ताल क्षेत्रमा होमस्टे सञ्चालन गर्ने, थारु संग्रहालय सञ्चालन गर्ने लक्ष्य रहेको बताउनु भयो । कार्यक्रममा बुद्धभूमि नगरपालिकाका निमित्त प्रमुख प्रशासकीय अधिकृत विष्णुदेव खनाल, कमला चौधरी, राम प्रसाद चौधरी, सन्तराम थारु, केशर बहादुर सेन वली, दशरथ थारु लगायतले मन्तव्य दिनु भएको थियो । स्वागत मन्तव्य चन्द्रमान थारुले राख्नुभएको थियो भने कोषाध्यक्ष उषा थारुले आर्थिक प्रतिवेदन प्रस्तुत गर्नुभएको थियो ।
विसं २०७९ सालमा स्थापना भएको थारु साँस्कृतिक संरक्षण केन्द्रमा हालसम्म ३०० जना सदस्य आवद्ध छन्। केन्द्रले थारु समुदायको संस्कृति, भाषा, र पहिचान संरक्षण र प्रवद्र्धन गर्न महत्वपूर्ण योगदान दिँदै आएको छ । कार्यक्रममार्फत थारु समुदायको पहिचान र सांस्कृतिक धरोहर संरक्षणमा थप योगदान पु¥याउने प्रतिबद्धता जनाइएको थियो ।
