अर्घाखाँची, साउन २० गते। अर्घाखाँची जिल्लामा बढ्दो सवारी दुर्घटना न्यूनीकरण गर्ने उद्देश्यले १३५ जना चालक तथा सहचालकको स्वास्थ्य परीक्षण गरिएको छ। जिल्ला ट्राफिक प्रहरी कार्यालय अर्घाखाँचीको आयोजनामा तथा जिल्लामा सञ्चालनमा रहेका यातायात प्रालिहरूसँगको समन्वय र शितगंगा नगरपालिकाको सहयोगमा शितगंगा नगरपालिका–३ ठाडामा स्वास्थ्य परीक्षण कार्यक्रम सञ्चालन गरिएको हो। कार्यक्रममा विभिन्न सवारी साधनका चालक तथा सहचालकहरूको रक्तचाप (ब्लड प्रेसर), मधुमेह (सुगर) र आँखाको परीक्षण गरिएको जिल्ला ट्राफिक प्रहरी कार्यालयका प्रमुख बरिष्ठ प्रहरी नायव निरीक्षक लिल बहादुर कुवँरले बताउनु भयो । सवारी चालकको स्वास्थ्य अवस्थाले सवारी सुरक्षामा प्रत्यक्ष प्रभाव पार्ने भएकाले दुर्घटना न्यूनीकरणका लागि यस्ता कार्यक्रम प्रभावकारी हुने विश्वास गरिएको कार्यालयले जनाएको छ।

कपिलवस्तु, साउन २० गते । कपिलवस्तुमा अवैध रूपमा नदीजन्य पदार्थ ढुवानी गरिरहेका तीन वटा टिप्पर प्रहरीले नियन्त्रणमा लिएको छ । इलाका प्रहरी कार्यालय गोरुसिङ्गेका प्रहरी निरीक्षक बाबुराम बस्नेतको कमान्डमा खटिएको प्रहरी टोलीले बुद्धभूमि नगरपालिका–१ बिरपुरस्थित वन क्षेत्रको भित्री सडक खण्डमा निगरानीका क्रममा ती टिप्परलाई नियन्त्रणमा लिएको हो ।बुधवार दिउँसो गरिएको निगरानीका क्रममा लु १ क ४८७७, लु १ क ५५८४ र लु १ क ४६०१ नम्बरका टिप्परमा अवैध रूपमा मिस्कट ढुवानी भइरहेको अवस्थामा फेला परेको जिल्ला प्रहरी कार्यालय कपिलवस्तुका सूचना अधिकारी प्रहरी नायब उपरीक्षक रिपेन्द्र कुमार सिंहले जानकारी दिनुभयो ।प्रहरीले नियन्त्रणमा लिएका टिप्परलाई आवश्यक कारबाहीका लागि बुद्धभूमि नगरपालिका नगर कार्यपालिकाको…