काठमाडौं, २९ साउन
काठमाडौं, कागेश्वरी मनोहरा नगरपालिका-४ डाँछीस्थित सडकमा बा.प्र.०१-००२ ज ९५८८ नम्बरको माइक्रोको ठक्करबाट पैदलयात्री सोही ठाउँ बस्ने ७० वर्षीय शंखर प्रसाद कुईकेलको बिहीबार दिउँसो मृत्यु भएको छ । ठक्करबाट गम्भीर घाइते भएका उनको शंखरापुर अस्पताल नारायणटारमा उपचारको क्रममा मृत्यु भएको हो । माइक्रो चालकलाई प्रहरीले नियन्त्रणमा लिएको छ ।
सर्लाही, कबिलासी नगरपालिका-१० सलेम्पुरस्थित सडकमा बीआर ०१ जेए २७०४ नम्बरको मोटरसाइकल अनियन्त्रित भई बिहीबार बेलुकी दुर्घटना हुँदा चालक सोही नगरपालिका-१ पिपरिया बस्ने २५ वर्षीय रामशंकर माझीको मृत्यु भएको छ । दुर्घटनामा गम्भीर घाइते भएका नेशनल मेडिकल कलेज वीरगंजमा थप उपचारको क्रममा मृत्यु भएको हो ।
काभ्रे, पाँचखाल नगरपालिका-४ तामाघाट बजारस्थित सडकमा बा.प्र.०१-०१६ प ७३१८ नम्बरको स्कुटर बिहीबार बेलुकी दुर्घटना हुँदा चालक काठमाडौं थली बस्ने ४० वर्षीय रबी सिमखडाको मृत्यु भएको छ । दुर्घटनामा गम्भीर घाइते भएका उनको धुलिखेल अस्पतालमा उपचारको क्रममा मृत्यु भएको हो ।
दुर्घटनाका सम्बन्धमा प्रहरीले आवश्यक अनुसन्धान गरिरहेको छ ।
