जानु पाण्डेकपिलवस्तु साउन २६ गतेवन व्यवस्थापन प्रणालीमा वन संवर्द्धन प्रणालीले नयाँ आयाम थपेको सामुदायिक वन उपभोक्ताहरूले बताएका छन् । कपिलवस्तुको बुद्धभूमि नगरपालिका २ गोरुसिङ्गेमा सामुदायिक वन दिवसको अवसरमा आयोजित कार्यक्रममा वन व्यवस्थापनमा वैज्ञानिक प्रणाली अपनाउँदा पुनरुत्पादन र जैविक विविधतामा सकारात्मक परिवर्तन भएको चर्चा गरिएको थियो । कार्यक्रममा सहभागीले परम्परागत वन व्यवस्थापनले ढलेका रुख मात्र सङ्कलन गर्ने बिरुवा हुर्काउन समेत समस्या भएको बताएका छन् ।वैज्ञानिक वन उपभोक्ता महासङ्घ लुम्बिनी प्रदेश समितिले आयोजना गरेको कार्यक्रममा बोल्दै वन विज्ञ तथा कपिलवस्तुका डिभिजनल वन अधिकृत विजय राज सुवेदीले सामुदायिक वनले मान्छे मात्र नभएर सम्पूर्ण जीव जगतलाई फाइदा पुग्ने गरी काम गर्नु पर्ने बताउनु भयो…