बुद्धभूमि उद्योग बाणिज्य संघको आयोजनामा यही मंसिर ७ गतेदेखि १७ गतेसम्म हुने चौथो बुद्धभूमि महोत्सवमा चौथो बुद्धभूमि डान्सिङ्ग स्टार हुने भएको छ ।जिल्लामा नृत्यमा रुचि राख्नेहरुकाबीच प्रतिस्पर्धा गराउने उद्देश्यले चौथो डान्सिङ्ग स्टारको आयोजना गर्न लागिएको हो ।डान्सिङ्ग स्टारको संयोजकको जिम्मेवारी लक्ष्मण न्यौपानेलाई प्रदान गरिएको छ ।नृत्युमा रुचि भएकाहरुका लागि आफ्नो प्रतिभा देखाउने डान्सिङ्ग स्टार एक महत्वपूर्ण प्याटफर्म भएको संयोजक न्यौपाने बताए । उनले डान्सिङ्ग स्टारमा प्रतियोगी छनोटको प्रक्रिया केही दिनमै सुरु हुने बताए ।नृत्य प्रति रुचि भएकाहरुले बुद्धभूमि उद्योग बाणिज्य संघको कार्यालय गोरुसिङ्गेमा सम्पर्क राख्न सक्नेछन् । चौथो बुद्धभूमि महोत्सव बुद्धभूमि नगरपालिकाको गोरुसिङ्गे इलाका प्रहरी कार्यालयको छेउमा हुदैं छ ।

कपिलवस्तुमा संविधान दिवसका अवसरमा दीप प्रज्वलन गरिएको छ । संविधानसभाबाट २०७२ साल असोज ३ गते नेपालको संविधान जारी भएकोमा हरेक वर्ष यस ऎतिहासिक दिनलाई हर्षोल्लासका साथ दिवसका रुपमा मनाइँदै आएको छ । युबा संघ नेपाल कपिलवस्तुको आयोजनामा उक्त कार्यक्रम सम्पन्न भएको हो । युबा संघ नेपालका इन्चार्ज तिलक गिरिको संयोजकत्वमा कपिलवस्तुको बनगाई चोकमा नेपालको नक्सा बनाई दिप प्रज्वलन गरिएको थियो।

बुद्धभूमि नगरपालिका १ भेलाई स्थित जय वनशक्ति सामुदायिक वन उपभोक्ता समूहको १४ औं साधारण सभा सम्पन्न भएको छ । जय वनशक्ति सामुदायिक वन उपभोक्ता समूहका अध्यक्ष जीवन जिसीको अध्यक्षतामा साधारण सभा सम्पन्न गरिएको हो । कार्यक्रमका अध्यक्ष जीवन जिसीले निती तथा कार्यक्रम र आर्थिक बर्ष ०८१/०८२ को लागि अनुमानित आम्दानी रु. ८८ लाख बढीको बजेट प्रस्तुत गर्नु भएको थियो । यसैगरी ०८० /०८१ को ८१ लाख करोड ३२ लाख ४९ हजार १ सय ३३ रुपैंयाको आयव्यय प्रस्तुत कोषाध्यक्ष विष्णु कंडेल खरेलले गर्नु भएको थियो। कार्यक्रमका प्रमुख अतिथी बुद्धभूमि नगरपालिकाका नगर प्रमुख केशव कुमार श्रेष्ठले संमृद्धिका लागि वन आजको आवश्यकता भएको…