चट्याङले लियो एक महिलाको ज्यान, सात जना घाइते
डोटी, चैत्र २८ — डोटी जिल्लाको सायल गाउँपालिका–६ दल्लेखमा बुधबार राति परेको चट्याङले एक महिलाको ज्यान गएको छ भने सात जना घाइते भएका छन्। स्थानीय लहरी नागरीको घरमा राति अचानक चट्याङ खस्दा ३३ वर्षीया कमला नागरीको घटनास्थलमै मृत्यु भएको हो। मृतक कमलासहित उनको परिवारका चार सन्तान समेत घाइते भएका छन्। जिल्ला प्रहरी कार्यालय डोटीका प्रहरी उपरीक्षक विनोद शर्माका अनुसार घाइते हुनेमा कमलाकी १० वर्षीया छोरी तारा नागरी, ८ वर्षीय छोरा अविशेक नागरी, ६ वर्षीय छोरा अबि नागरी र ३ महिनाका छोरा शङ्कर नागरी रहेका छन्। त्यसैगरी, ४० वर्षीया तारा नागरी, ८० वर्षीया काली दमाई र ६ वर्षीय बालक खुसी नागरी…
