जानु पाण्डेकपिलवस्तु समाचारदाता, कपिलवस्तु चैत २८ गते ।भारतसँग सीमा जोडिएको मुख्य नाकामा तालिमप्राप्त कुकुर प्रयोग गरेर सप्राइज चेकिङ अभियान सुरु गरिएको छ । कपिलवस्तुको कृष्णनगरमा पहिलो पटक तालिम प्राप्त कुकर लगाएर चेकजाँच गरिएको थियो । कृष्णनगर नाका हुँदै लागु औषध ओसारपसार, सीमा अपराध, तस्करी तथा अन्य अन्तर्देशीय आपराधिक गतिविधिहरूको नियन्त्रणका लागि प्रहरीले अभियानको रूपमा यस्तो कदम चालेको जिल्ला प्रहरी कार्यालय कपिलवस्तुका प्रमुख प्रहरी उपरीक्षक निरञ्जनदत्त भट्टले बताउनु भयो ।इलाका प्रहरी कार्यालय कृष्णनगरले नगरपालिका–२ अन्तर्गत पर्ने लिंकगेट, यात्रु गेट, ट्रान्समिटर क्षेत्र र बसपार्क जस्ता आवत–जावत हुने स्थानहरूमा कुकुरको प्रयोग गरी चेकिङ गरेको थियो । भैरहवा विमान स्थलको डग शाखा बाट ल्याइएको…

कपिलवस्तु चैत ३० गते । कपिलवस्तुको बुद्धभूमि नगरपालिका–४, बुड्ढीमा अवस्थित थारु साँस्कृतिक संरक्षण केन्द्रको तेस्रो साधारण सभा सम्पन्न भएको छ । शनीवार सम्पन्न साधारण सभामा बोल्दै प्रमुख अतिथि तथा बुद्धभूमि नगरपालिकाका नगरप्रमुख केशव कुमार श्रेष्ठले थारु समुदायको मौलिक संस्कृति र पहिचान संरक्षणमा केन्द्रको भूमिका महत्वपूर्ण रहेको बताउनुभयो ।कार्यक्रममा बोल्दै केन्द्रका अध्यक्ष पवन कुमार थारुले अक्षयकोष स्थापना गर्ने, ढकिया उद्योग सञ्चालन गर्ने, बड्ढी ताल र बृजा ताल क्षेत्रमा होमस्टे सञ्चालन गर्ने, थारु संग्रहालय सञ्चालन गर्ने लक्ष्य रहेको बताउनु भयो । कार्यक्रममा बुद्धभूमि नगरपालिकाका निमित्त प्रमुख प्रशासकीय अधिकृत विष्णुदेव खनाल, कमला चौधरी, राम प्रसाद चौधरी, सन्तराम थारु, केशर बहादुर सेन वली, दशरथ…